National قومی خبریں

لاہور ہائی کورٹ کے فیصلے کے خلاف اپیل دائر کرنے کا فیصلہ وفاقی کابینہ کرے گی۔ اٹارنی جنرل انور منصور

اٹارنی جنرل انور منصور خان اور مشیر اطلاعات ڈاکٹر فردوس عاشق اعوان پریس کانفرنس کرتے ہوئے

وزیراعظم کی معاون خصوصی ڈاکٹر فردوس عاشق اعوان کے ہمراہ اٹارنی جنرل انور منصور خان نے نیوز کانفرنس سے خطاب کرتے ہوئے کہا ہے کہ لاہور ہائی کورٹ کے احکامات کے مطابق نواز شریف کا نام ای سی ایل سے نکالنے کا معاملہ تفصیلی فیصلہ موصول ہونے کے بعد وفاقی کابینہ کے سامنے پیش کیا جائے گا ۔ ان کا کہنا تھا کہ لاہور ہائی کورٹ کے فیصلے کے خلاف اپیل دائر کرنے کا کوئی بھی فیصلہ وفاقی کابینہ کرے گی۔ اٹانی جنرل نے فیصلے کے حوالے سے وضاحت کرتے ہوئے کہا کہ نواز شریف کو علاج کے لئے بیرون ملک جانے کی اجازت دینے کا لاہور ہائی کورٹ کا فیصلہ خالصۃ انسانی ہمدردی کی بنیاد پر مبنی ہے اور میرٹ پر کبھی کوئی فیصلہ نہیں کیا گیا۔